مھر ءِ شررنگیں جھاناں من جھاں پیداکاں
رُہ بَریں زندءِ گُماناں پہ گُمان پیداکاں
مارا بیگواہ نہ کنت دھر ءِ دَریں بیگواھی
من وتی رند ءَ تچاناں من تچاں پیداکاں
سوچ سَتر سوچ منا سوچک ءِ سچوکیں سوچکاں
چو چِشیں دار ءَ سُچاناں مں سُچاں پیداکاں
دْرش دْرش ءَ دروش دْرشوکیں پہ عجب دْروشاں کن
دْرشکیں دان ءَ دْروشاناں من دروشاں پیداکاں
تو زَر ءِ پہ من بِہ زَر کہ منی زِند زَراِیت،
دل زَریت بیا کہ زَراناں من زَراں پیداکاں
شل منی ارس شَل اَنت، شل شلیں نودی شَل
شل شلاں بی کہ شلاناں من شلاں پیداکاں