روچ گوں ہزار رنگیں غماں کیگد منی بیگاہ بیت
شپ گوں تئی زپتیں زھیر ءُ ترانگاں بانگواہ بیت
چوں چوں گْوزیت باریں منی لُنج ءُ تھاریں زندگی!
مُرتگ منی زند ءِ چراگ باریں کدی روژناہ بیت
جندوں وتی ھیرات کُت من سَر وتی قربان کُت
من ھچ نزانتگ کہ منی ھمبل منی بدواہ بیت
کج واری ءِ تژن ءَ مجن مارا جھان ءِ دیما تو
یکّے غریب ءُ وار بیت یکے اَمیر ءُ شاہ بیت
شوھازؔ مبو تو دلپروش دنیا ءِ دُود اِنت دائمی
گوں بزگر ءُ گوں بے دَراں مرچاں کئے اِنت ہمراہ بیت