چَمُوکی جَت جُڑاں گوں ہمسروّاں
حریری پَردگاں ماہیں سَدُوّاں
گُلستانے رُدات ئے ' سَبز بات ئے
جہانے سر رِچا تئی رَنگ ءُ بُوّاں
گنوکی یے سرا داتہ ءُ اِشتہ
من ءَ اے دُر حدیثیں ہا ءُ ہُوّاں
نیتک ئے تو ءُ ما اے جیذ یَلدا
پَدا چَکّے نہ جَت گوں راہروّاں
نہ گندئے گوچلیں دُنیا ءِ تْرمپے
بگند اے ساوڑیں مردانی رُوّاں
منی دست ءَ ہمے دو ٹال کپت اَنت
تَرا لُوٹی تہ بَر اے ناز بُوّاں
سواس ءَ راست کن ' دیم ئِِے من ءَ اِنت
اَڑاناں میر دار ءُ ڈنگرُوّاں