ڈنّءَھوراِنت
لہتیں ھاموشیں ترانگ
گرنچ اَنت اِیر اَنت پیژگاہءَ
مُرگ گوں کُدوھءَ درچکءِدارءَ ٹنکوک انت
تئی ترانگ یات ءُ زھیر
درست ھمودءَ اَنچو اِیر انت
چو گشیگءَ مردم ساہ ءَ کانچ ءَ بکن
ڈنّءَ ھوراِنت
گوستیگں ھورءَ من تو نشت ءُ
کسّہ کُت
کِسّہ کت تاں دیراں ھورءِ چیرءَ ما
مرچی من تنہاہاں
کِسّہ، دیوان،ھور ،پیژگاہ
مُرگءُ کدوھ
درچک گوں ھاموشیں پریاتاں
تاکانی سرا ترمپءِ آواز پیداک انت
ڈنَّءَ ھور اِنت