دست مُچ جنت دردے ، مروچی دل ءَ منی

دست مُچ جنت دردے ، مروچی دل ءَ منی

دِرّیت و واد جنت دلءِ تل تل ءَ منی

اے دئور ، اے زمانگ چو زندءِ ماجرا

ظالم چَوَٹّ جوڑ کنت اچ سِل ءَ منی

ساینت ہُورت ، حاک کننت تربت ءَ منی

شاتُن کہ چیزے جوڑ کننت اچ گِل ءَ منی

گوری ماقاصدءِ کہ کولئو حالے تئی رسینت

شُشت پاک ، مئے غمان، سُبک کُرت دل ءَ منی

محبت و مہر یاکہ ستم جور ، پہ ہر وڑ ے

شکر اِنت کہ یات کرتہ مروچی ، گُل ءَ منی

آزاتؔ اے شپ دراج و تہار انت ، گْونڈبنت

صبرکن کہ سوز چِست بنت اچ نل ءَ منی