ہمادنز و مُج انت آسمان گُبار اِنت
پریشاں رنگ زِنچک تار پہ تار انت
منی روچ ہم شپ اَنت سیاہ انت تہار انت
شّپءِ جُست ءَ مکن چے حال زار انت
اے حال انت چون گشیں آزاتُن آزات؟
وزیر و افسر و زر دار اَنت ہم شور
پُلنت ، لٹّنت غریبان ءَ کننت دئور
کننت سوداگری قاچاق ہمے گئور،
رعیت حاک بوارت یاتہلگیں جَور
من باور چون کنیں آزاتُن آزات؟
ہما قانون پرنگءِ ۔جرگہءِ ڈئول…
ہما سردار و زردارءِ وڑ ءُ ڈئول
غریب گِندیت امیر ءَ کنتیں دل ہَول
کجا شُت کُلّ مُومِن اِخوَۃ ءِ قول
من چون باور کنیں آزاتُن آزات؟