دیدگاں شہرے بہ بیت ءُُ باتنءَ جنگل بہ کنت

دیدگاں شہرے بہ بیت ءُ باتنءَ جنگل بہ کنت

من چُشیں وابے مہ گنداں کہ دلءَ تراول بہ کنت

دل ہما زہگ اِنت پہ گریوگ شرّ کنت کارءَ وتی

تئی ہما گم پہ منا سر بئیت شات ءُ گل بہ کنت

من تئی سوگند مرگ ءُ زند اے دنیا تُری

لیلڑی لاڑی بہ الہانیت مَلّ ءُ مَل بہ کنت

مئے دگہ اِشکے، دگہ دردے، دگہ گرانیں گمے

آ کسءَ کہ دل ماں لاپءَ نیست جیگءَ تل بہ کنت

تلوسیت کسّے اگاں پہ مئے نیاداں دائمی

گیمرگ مَیلیت گلابءَ، ساہگءَ مہتل بہ کنت

روچ تئی آدینک دیما بئیت بہ بیت دو ٹکّرءَ

شپ وتی پجّیگ بسمل تئی نسیبءَ کل بہ کنت