چے نہ کرتہ من عشقءَتئیءَ
شکست نہ وارتہ من عشقءَ تئی ءَ
سفر کتابءِ تہا پتات ءَ
ھبر کتاب ءِ تہا پتات ءَ
جدائی ءَ من نہ گریتءَانگہ
پہ آئی ءَ من نہ گریتہ انگہ
وفا ءِ نام ءَ ترا من زاناں
چو سہب ءُ شام ءَ ترا من زاناں
کپوتی بالاں گوں تو ھوارے
مئے شعر ءُ گالاں گوں تو ھوارے
اے دل مہ داتیں من دریگتیناں
ترا مہ دیستیں من دریگتیناں
روے تو راہ ءَ بہار بیت ایں
تئی جندے شپ روچ ودار بیت ایں
کہ بے تئی ءَ نہ لوٹاں ہچی
من زندگی ءَ نہ لوٹاں ہچی
شپ ءَ کہ وہدیں من ماہ ءَ گنداں
ترا من امروزے راہ ءَ گنداں
تو دیم ءَ نندے تئی گپ وشاں
ترا را ساہ ءُ من جان ءَ بکشاں
تو عشق ءِ گاریں گنوکءَ زانے
وتی گمانی سچوک ءَ زانے
من وہدیں آدینک ءَ یار چاراں
گماں نوں پروشتءَ مئے چم تہاراں
مئے لنٹاں پوستے جتہ بچارے
اے عشق ءَ برباد کتہ بچارے
مئے چم ءِ پستانی رنگ سیاہاں
انارک ھشکاں مئے چم تہاآں
بچار موداں شگالی آں من
چو راشد دیدار موالی آں من
ناں کس ئے گپ منارا وش باں
ناں کسی دیوانءَ یار ننداں
وتی وڈاہاں من سک تباآں
اے لوگ ءِ کوٹی منی جہانیں
یک درتکگ گھڑیالے بے زبانیں
من نفسیاتی چو نادراہ ءَ
نہ کت کارے گلیں صباہ ءَ
نوں روچ منارا چو ساہءَ دوستیں
نوں گانا مارا گیمگ ایں دوستاں
نوں راحت، نصرت
دل ءِمئے اوستاں
نوں رنگ سیاہیں گورامنارا
نوں چاہ ءُ سگریٹ بے حسابءَ
منا ملوری ءُ گم عزیزاں
نوں چرسی ٹیلگ ءُ چم عزیزاں
شپانی گردگ یلہ چراآں
نوں پیسری من وڑا نیاآں
ورگ نہ لوٹیت مئے دل دمانے
شتے ترا گوں مئے شت جہانے
اے موسمانی بہار توراں
نوں مردمانی توار توراں
دمانے بیا تو بچار جانل
من سک بد ل بوتاں یار جانل
نوں شاکرشادراءَ مہر بس انت
نوں گپ ءُ دیوان ءُ شعر بس انت