براسان و وشّیں ہمدلاں
براھندگ وبیل ویلاں
او نوک نہال و عاقلاں
او چاکری ولّءِ براں
پاداءِت و دیما روان
پر مِزّل ءَ مِزل جنان
موقع ھمیشنت واجھاں
وخت ءَ نہ گنداِت نا پوہاں
گرند و گروک و کہکراں
روچ ئنت بدیں پہ غافلاں
پاداءِت و دیما رواں
پر مزّل ءَ مِزّل جنان
صحب اتکگ و شپ گوستگنت
نوراں سحارءِ دیستگنت
مُرگاں توار چست کُرتگنت
گوش ءَ بدار اِت وپتگاں
پاداءِت و دیما رواں
پر مزل ءَ مِزّل جناں
شاعر شمئے قومءِ زبان
ھالان ءَ کنت ھر وخت بیان
پرشہر و دراجیں میتگان
پیش دنت دوریں راہسران
پاداءِت و دیما رواں
پر مزّل ءَ مِزّل جناں
من ءَ پنت اِنت چش ملّانارواءِ
بہ ہرحال ءَ بکن شُکر ءَ خداءِ
منی ھیداں امیرءِ عیش و عشرت
من محتاج لُنکگءِ قہر انت خداءِ