بیگاہ کہ بیت وتی مہپراں گواتءَ بدئے
گوں وشبوہاں
وتی گشانءَ زور بہشتیں بالادءَ مانپوش
دانکہ شپ وتی بانزلاں پچ مہ کنت
کینگانی تلاکاں بدے
ءُ پد من سرگراں
پہ تو
تاں تو وتی ارواہءِ وشیاں آگہ بکن
من پہ تو دیستگیں واباں یکجاہ کناں
تو شنگیں مہپرانی کپتگیں ٹالاں چن ءُ ٹنگ
وتی مہلبیں برانڈہءَ
پدا نند ءُ منی نبشتہ کرتگیں شئراں
معنا بکن
یا منی ہما عکسءَ بچار
کہ ہمے عکسءَ
منی ءُ تئی
جدائیءِ کشک ہور بنت
پدا گوں کندگاں
من دور اوشتاں ءُ ترا چاراں
پدا تو
کمکے بچکندگ
,لوگ دپے مرگاں بدئے
من کایاں
گوستگیں شپانی کسہ کناں