ایوکی کوہنیں گمے ما ھم کنیں تو ھم کنئے

ایوکی کوہنیں گمے ما ھم کنیں تو ھم کنئے

ساھگے ھمراہ دئے ءُ ساھگے پہ وت زُرئے*

نیادے ءَ ھیسکار اتہ اے کوٹیءَ تو نِشتگئے

کسے ءِ یاتانی برمشاں روپگ ءِ پاد ءَ برئے

انشپی جِند ءَ ھمے ناسرپدی اوں مار اتگ

مردم ءِ ڑولءَ مہ بئے کہ مردم ءِ ڑولءَ مِرئے

آگہی گنجیں سوابے دیدگاں دست ءَ کتگ

تو کجام اوستءَ نگاہ ءِ پرتگاں واباں چِنئے

باوریں کیفاں ھیال ءِ کُدرت ءَ گپے جتگ

یات تئی بندیک باں، تو مورگ ءِ پئیم ءَ بُجئے