جُڑاں بستہ مرشی سویثیں جُڑاں جی
رشاں نوذ گل ما جنوں لیلڑیّاں
گواروخیں نوذانی ڈول و وڑاں جی
جی با واچھڑاں را جی نرمیں پُھڑیاں
گرنداں را سیثیں گرند ئے رَڑاں جی
گروخاں دہ جی با کناں جلشکڑیاں
کہیراں را جی باث کُنر و بَڑاں جی
بُزاں چھارنانا وروں کنبھڑیاں
جی با زامراں را جی لونگ ئے لَڑاں جی
جی ڈیہا رزوخیں گُلاں وڑ وڑیاں
جی کوہ و قلاتاں را جی پٹ و پِڑاں جی
جی با ریخ و کھئوراں جی مئے بیلڑیاں*
جی مہتاب ڈیہا جی بازیں پَھڑاں جی
جی درشک و داراں، ولاں سوزڑیاں
*جنگل