مور جزغ وشکی چالیں یار مئے
مئے نغاہا مرگ بالیں یار مئے
روح باندی قید دل بے حال ما
تھئی نغاہانی کمالیں یار مئے
جر گلابیں زلف زامر بمبویں
پار ایشاں سہر شالیں یار مئے
رک گلابانی وڑا دتاں سوے
پونز شیفغ دیذ ڈالیں یار مئے
وش طبیعت، وش مزاج و وش لساں
نرم خو دشت ئے غزالیں یار مئے
دئے مناں بشکندغے من سوز باں
زندگی ئے اے سوالیں یار مئے
چھے کھناں مہتاب تعریف و ستا
چاڑدہی ماہ ئے مثالیں یار مئے