رھبرے تہ نوخے بی
تہاراں ماں بلوخے بی
رھبرے جوانیں بی
سہیل ءَ اوشتوخے بی
گرند ءَ گِراں توارے بی
خنجرے شِلوخے بی
چو مستیں لیڑوے ڈولا
نیشاں دہ درشوخے بی
نشک چیذغے بھیرا
سنگ ءَ اوشتوخے بی
گیر بیاری ھر کس ءَ
واژھے سروخے بی
سئی ژہ مزلا دیریں
پندھاں دِہ جنوخے بی
وھاواں گندی وھاوی ءَ
ھاغہا رژوخے بی
رِندی دفترے بھیرا
شئیراں دِہ گشوخے بی
پہ وطن ءِ ناموزا
ٹیڑے بی گنوخے بی
شینکھاں او جڑ ءِ پاراں
دستاں سا کنوخے بی
گرمیں نیم روشے ءَ
نوذاں دِہ رشوخے بی
آں جوانیں روشاں پہ
سغرا دہ دیوخے بی
غازی یے ءِ بھیرا آں
راھاں سر گروخے بی
ماہتابے بی جکّی
تہار ماہاں رذوخے بی