مہلینج ءَ زہیراں نی گوئرمن میائے
پُرشتءَ شوے ھِیراں نی گوئرمن میائے
دل پُرشتغ و ناکام دلءَ رنج ہزار انت
من چِختَر ءَ زیراں ، نی گوئرمن میائے
شوا ھِیل و دلاسوّ مناں داثغ اث چِختَر
دست گِند و فقیراں ، نی گوئرمن میائے
کَشتئو شہ مناں نِند و نیاذاں شہ وھثی آں
ارشا شہ من دِیراں، نی گوئرمن میائے
ھِیلانی گھڑی آں شوئے داثغیں تھیلانک
جَماراں داں گیراں، نی گوئرمن میائے
ہر دروھ و شوے دروغ من دیثہ ، سہیثہ
سڑدار و امیراں ، نی گوئرمن میائے
مئیں گنجیں وطن گِپتہ مُژاں سیاہ و تہاراں
او شادیہو سیراں ، نی گوئرمن میائے
خالی آں منی دست شاھر من رَوغاں
تقدیرءَ لکیراں ، نی گوئرمن میائے