چو موی گوئستغیں دگاں را لاڈانڑ گُذ انت
چو موی دنز و غباراں دے پھذا گواث بَر انت
چو نواں بی کہ امیدانی دے دستین سِذ انت
بیگہی شام کھڑی آنی بُنئے آس مِر انت
منزلاں گِند ہمو پَندھ ءَ سروغان تھوے
تھہ زمانہ ءَ رموزاں دے دلءَ گِند و بِچار
وپتغئے، گَڑدئے پھذا دوست منی ہاغہ نہ بئے
گُڈ پھذا پَڑتہ پہ نیم روش دے بی سیاہ و تہار
دیم ہماں دیم کھذئے روش ہماں دیم روّ انت
زندگی دیم ہم اشنت و ہمے دیم ءَ گُزی
کِشتغ انت پُل تہ مئے جھولءَ بُنءَ پُل کھو انت
کُنٹِغاں ریشئے، ہماہاں گوں پھذی نیم گُزی
اے زمانہ ایں ، وھذئی پھند و کشالاں گوں جہاں
منزلاں روشے کھوانا و کھڑو بان ءَ رواں۔