چَم ءَ کَلءَ شہ روش درکَپتہ
گواث ساڑتیں ناعغ ایں مرشی
زِندءَ پیغام مار ءَ سَر کَپتہ
تھارءَ دیواراں دراہَغیں مرشی
ماہ جبین آں گوں رَختغیں دستاں
صُحوءَ مِستاغ ناغماں آڑتہ
ظلم ءَ ریزاں گوں بَستغیں دستاں
من دِل ءَ صحوے اے گماں آڑتہ
زِند ءَ دروشم رنگ و سُہنڑائی
نی من روح ءَ را اُچھلے کھار انت
ساز و چنگ و سروز و ورنائی
کیف ءَ وشیں یک لَذتے کھار انت
نی پَھزیرئے امید نوخ بیثہ
شب چراغے دل ءَ را روخ بیثہ