لنگڑیںجن، گُژنگیں زھگ، گوانک جناں آواز کناں
گوانک جنان پُرگُٹّے پُرّے مارا آآواز کننت
رنگ پلالیں گژنگانی
حال تباھیں بزّگانی
اَچ ماچو گندگ بہ بیت؟
بزگراں، پوریا گراں یکجا ببئت
سنگتاں ، براھندگاں ، ساہاں وتی ،حوناں وتی
ھیرات کنان، ریچان دیاں
بزگراں ، پوریا گراں یکجا ببئت بَر
دژمن ءَ یلغار کنت
ننگءِ دژمن تنک نپس بیت
چارماکنڈ ءَ آھتہ رَستہ ترسیناں
لوڑءِ پیم ءَ گیڑ کناں
گرندگُرنّت ہم گروک انت
دیہہءِ پیم ءَ خوف دیاں
لیکن انگت جھدءِ میدان ءَ رونت
امّا گندن ! اماّ گندن !
سنگتاں براھندگاں دیما رونت
سُہریں بیرک گپتہ دست ءَ گوات دیاں
چش پیل مست ءَ گام جنان دیما رونت
بزگراں، پوریا گراں یکجا ببئت
سیل کنوک است پرشما آزاتی اِنت
زوت بیا اِت ، زوت بیا اِت بہادراں
بزگراں، پوریا گراں یکجا ببئت
اش شمئے جدوجھد ءَ !!
بیت بگل گیر کوڑوگوں آزاتی ءَ
اے منی شیریں ، منی بہادرّیں یلاں
بزگراں، پوریا گراں یکجا ببئت
تاج ءَ سُہرءِ ظالمانی دور کن اِت
ٹکّر کن اِت، بُور بُور کن اِت
اے نواب، شہزادہ ، سرداراں گِرات
بِرزمین ءَ کھڈّ کن اِت
زنڈیں زمزیراں گلامیءِ وتی ٹُکر کن اِت
اچ وتی مستیں توار ءَ عالماں آگاہ کن اِت
سوب مئیگ اِنت، سوب مئیگ اِنت
اے منی شیریں ، منی بہادرّیں یلاں
بزگراں، پوریا گراں یکجا ببئت