مئیارانی

پل و لٹانی آماچ اِنت وَطن ماتی، مئیارانی

مں جیلءِ کوٹھواں سیاھین رَڑ اِنت ظلمءِ شکارانی

سراں اِشتہ مں دِل دستءَ مِڑان ئنت ننگریں وَرنا

وَطن ماتءِ پہ ناموتءَ پہ ننگءَ کوھسارانی

مں گرئنداں توپ و بمبانی مں تیرانی درھدیں ھَوران

گِہمرد و ننگریں وَرنا جننت چاپءَ سگارانی

نہ بَجنت چَہ وَتی قؤلءَ نہ ترسنت پہ سر و مالان

حَبر پال و یِلیں پسگ وَطن دوستین مزارانی

ھدینکہ ڈاہ و واھو بیت یلیں وَرنا، مڑا دارین

مئیاراں پشت پدی اِشتہ نہ رؤت سئیلءَ بہارانی

مج و دھنزاں مں ظلمانی وَطن ماتءِ یلیں پسگ

پہ ننگ و نامءِ دیمپانی روئنت دیما جَزارانی

لگھورانی دِلاں پونچین مں گھدارانی دِل بنداں

نصیرءِ گال، دِل موشیں کِننت کارءَ کِٹارانی