پدا ماؤں پدا جیل انت و زمزیر
پدا مان آھتکگنت گوں توپک و تِیر
پدا ماتی وَطن بِجار لوٹِیت
چَہ بچاں تنگہ ئین و دحتگاں حِیر
پدا پہ مادرءِ لج و مئیارءَ
یلیں چکانءَ ماتءِ بہئیل بنت شِیر
پدا مئے تڑپگاں گِندیِت دنیا
پدا ابرسِتگیں وَرنا مزارین
دیئنت دروت چوٹ دپیں کاٹار و شمشیر
پدا گوں دشمنءِ سیاھیں سپاھان
جننت شرطان سرءِ کنگین پگز زِیر
پدا ورنا وتی سَس و مَڑاءَ
دیئنت گوئر موش گوں قسمت و تقدیر
پدا پھلیں وَطن دھنز و مجاں بیت
پدا سوبءَ گوں وَرنا بنت بگھل گِیر
پدا بیلاں! چَہ سھور موشیں گوئزنِدءَ
رداں بیت سہب و سیاھی بیت شپءِ دِیر
پدا ذگریں نصیر بیلاں یلیں گوں
گوئشیت شئیران و وَشیں کنت تقریر