نہ شراب سوت نہ زیملے تو بچار اتیں
دلءِ شهر سرجمءَ جنگلے تو بچار اتیں
چشیں جنتءَ من بننداں چون گزر کناں
ادا باگ است نہ بلبلے تو بچار اتیں
تو مچار اتیں بلے کمیں چک وا پدی کتیں
نہ کپوتءِ رمب نہ شانتلے تو بچار اتیں
تئی پشکءِ پیت و ستاره اشرفی چانگ انت
تئی گشان "سلکٹی" ململے تو بچار اتیں
تو نچار اتگ، تو نہ فهم اتگ، منی نقص و نپ
منی بند بند چو تراولے تو بچار اتیں
تو بگندئے قاضیؔ جہانءَ کودکی سرپدئے
ترا همکنار نہ همبلے تو بچار اتیں