راہ ءِ نیم مہمّ ءَ چے واتر کتگ بلکیں دمبرتگ ئے
آپ سمّاک ءَ جتگ، انسٹیٹیوٹ آف بلوچیا، 2019
شِنگ کن:
راہ ءِ نیم مہمّ ءَ چے واتر کتگ بلکیں دمبرتگ ئے
نیم روچ ءَ وتی لوگ بُندرکتگ بلکیں دمبرتگ ئے
سرڈگار ءَِ توار اِنت پدریچ ڈیہہ ءِ انان ءَ بہ بیت
تو وتی واب جاہ سارت ءُ سنگر کتگ بلکیں دمبرتگ ئے
مرزبوم ءَ بہ موک گلزمین ءَ چہ بدواہاں آجو بکن
چہ ہمودا بنا بیت تو آسر کتگ بلکیں دمبرتگ ئے
من ہما وڈ کہ پیش ءَ ترا جیڑ اِتگ انگہ جیڑاں ترا
تو شمشتگ منارا تو سک شر کتگ بلکیں دمبرتگ ئے
مُرگی پادانی پاتْراپے ءَ تلوساں ہنچو تہنایاں من
من نزاناں منا تو کجا سر کتگ بلکیں دمبرتگ ئے
من ہمک شپ پہ دل گوشداراں ترا ستک باور بکن
قاضیؔ وازاں تئی بلّے منا کَر کتگ بلکیں دمبرتگ ئے