ھمائیں تو چداں شُت ئے
پدا من واب نہ کپتگ اؤں
پدا من ھچ نہ جیڑ اِتہ
ءُ نئیکہ مھرے گپ کتہ
ءُ نئیکہ کسے چاراِتہ
ناں تر ءُ تاب ءَ گردگ ءَ گِس ءَ چے ڈن در اتکگ اؤں
یک کوٹی ءَ کپتگ اؤں
گشئے منارا ویلے ءَ وبائے ءَ یا ھوپے ءَ وتی کتہ
من سک نگیگ بوتگ اؤں
گوں پنکھا ءَ ھبر کتہ
چو راز دارے ءِ وڑا
چو بیل ءُ یارے ءِ وڑا
تھاری دوستیں سنگتے کتہ من گپ ءُ راز گوشتگ اَنت
دریگ ءُ در چو بے وفائیں یارے ءَ
منا گوں نیاد ءَ بوتگ اَنت
من گریتگ سک دل ءَ وتی
اے کوٹی ءِ تہا نیاتکگ کسّ
نہ کشتءَ کسّ ءَ سر دمانے ءَ
من سائیکی من نفسیات ءِ نادراھے بوتگ اؤں
دل ءَ نہ گوشتگ گپ بکن
من بے توار بوتگ اؤں
من بے کرار بوتگ اؤں
اے جاورانی ساچگ ءَ وتی کہ جندے پروشگ ءَ
من ذمہ واراں وت وتی
گوں کسےّءَ گلگ نہ اِنت