لجّ ءَ بلوچءِ جاہ جتہ
دژمن بہ دیما جُکّتہ
استال بختءِ برْشکِتہ
راجءِ مزار ءَ گْوانک جتہ
زہم چہ میان ءَ ہُرجتہ
آزمان زمین ءَ جُکّتہ
ھالو ھلو ھالو کنئت
روچ اِنت مروچی شادہءِ
سریں بستہ سولیں پُسّگاں
شیرزال و ماہیں دُتّکان
بیرگیر چومستیں لیڑہان
ڈیہہ ءَ دیم حونی دیان
ھالو ھلو ھالو کنئت،
روچ اِنت مروچی شادہءِ
گوانکاں جتین گرندی گروک
آسے جہان ءَ کُرتہ روک
چارموٹ بد ءَ موٹ و گنوک
نام ءَ بلوچءِ کُرتہ نوک
ھالو ھلو ھالو کنئت
روچ انت مروچی شادہءِ
کیہور و کلپیں دژمناں
پروش وارتہ اچ مئے ھکلاّں
سوب کٹّتہ بیل و یلاں
نوں وت وتی واجہ وتاں
ھالو ھلو ھالو کنئت
روچ اِنت مروچی شادہءِ