سرشپ ءَ تَلارانی سیِنگ ءَ را دِرت تِیراں
ھون ءِ بُوہ پیداک اِنت
چہ زندگی ءَ دل پروش بوت مئے وڑیں گنوکے اَت
سنگتے منا است اَت
ھر کُجا ھوار اَت گوں
ھر کس ءَ دوچار اَت گوں
رپت آگہیں مردے
یکبرے منا گوشت یے
در کپ آں چہ اے مُلک ءَ
بِل رواں دراں ڈیھ باں
بَلے مات ءِ یل کنگ گران اِنت
بسمل ءِ بگر ھال ءَ
عاجزءَرا پُرس گپ آں
واھی واھی دل گریت اِنت
بیگہاں زھیر وار باں
چاہی آنی آواز ءَ
چو عصاء ءَ چیہانٹ جنت
بَل ئے چارگ ءِ واستءَ
ناگمان ءِ کسہ آں دارءِ اسپ میلانک اِنت
گوں حنیف نامہ دل چنچو شپ زریت باریں
چو مجیب ءِ رنگ ءَ دل فاضل ءِ زریت مند ءَ
ءُ دگہ ہزار سنگت
گوانکے ءَ پہ تہنا اَنت
ایوکی ءَ ملما اَنت
یک دمانےءَ منا یات اِنت
لوگے اَت گِل ئے مارا
سنگتے منا اَست اَت