شپءَ کہ رژن تہاریءِ کوپگاں بار انت
چراگءِ وٹ گوں وتی ساھگءَ گلگدار انت
اناگہ چوکیءِ چاریں کلات سر کتگ انت
نہ کپتگ ھشت بلے کور پہ منءَ چار انت
ادا کہ راہ منءَ منزلءِ اناشءَ دنت
حدا بزانت منی ھمسفر کجا گار انت
ھمک کساسگرءَ را حساب گر لیک ایت
ھمے گنوک گنوکے کہ بندرءَ سار انت
َاے دل کہ واھگ و درداں زتگ ھزار رندء
دلءَ مہ رنج تئی ترانگانی امبار انت
مروچی شپ کہ دہ و چارءِ زانسراں وپتگ
مروچی زلفءَ ھمک ٹال پہ من سیاھمار انت
مبارکءَ پہ گمءِ تاچگءَ مچار قاضی
اے شہسوار وتی جندءِ گردنءَ سوار انت