چمّوں کور اَنت گِندگ ءَ مھرنگ تئی
ظاہر اِنت دیما منیگا رنگ تئی
دست بنداں من کناں مِنّت ترا
من نباں بے تو ترا داراں دل ءَ
زائے تو اِے گُل نہ بنت پارسنگ تئی
ظاہر اِنت دیما منیگا رنگ تئی
روچ منی کمّ اَنت کُشیت کینگ تئی
گار ءُ گُمسار کنت منا زھرگ تئی
نئیت دپ ءَ انگت منیگا زنگ تئی
ظاہر اِنت دیما منیگا رنگ تئی
تو مَزُور آھاں خلیلؔ ءِ ماہ پری
چوتئی پُلّ ءَ آسمی دل گیمُری
نیست ترا گویاک زبان اِنت گُنگ تئی
ظاہر اِنت دیما منیگا رنگ تئی