خالق ارماؔن

شئر16

خالق ارماؔن ءِ شئر (8)

اے کِشکاں دیوال ءُ در وران اِنت سواساں ہنچو سپر وران اِنت

روچ ءَ نہ زانگایاں ، شَپ ءَ گِندگا نیاں من اَنچو ایوَکاں کہ وتا گِندگا نیاں

دِلانی سُتکگیں انگار بنت کہ پَشت کپنت ھیال گوْستگیں کِردار بنت کہ پَشت کپنت

گوں وَہماں بار بوتکگ اَت ، گوں وَسوساں روان اِتیں ما گپ جت زمانگ ءِ ، ءُ ، جِند ءِ پُچّکان اِتیں

سرگوات ملاریں بِچکندے، نودانی سباہاں ایر رِتکہ یک عمرے زھیراں گْوازینتہ، یک ارسے نگاہان ایر رِتکہ

ہِچیّ گِندگ نہ بیتءُ جاگہ نیست نیست جَنگل، اِدا اوں دریا نیست

کَسے ءِ آیَگ ءِ بْرمشءَ مروچاں کِیمّت نیست اے شہرءِ گْوات ءَ کَسی مِہلبانی ھاجت نیست

درد ءِ ابیتکی اِنت کہ دِلءَ دز جن ئے کُدیت نوں اِیوکی ، پہ شِئر تَسلّہ دَیگ نہ بیت