ابیتک ءَ نشتگاں مانشانتگیں زھیر ءِ بُن ءَ
چُو ”رَھگوزِیگ“ ءِ دَمے سارت بکنت کھِیر ءِ بُن ءَ
حیال، دروشم ءِ بانوری ءِ گُلیں دوست ءِ
چو ”نیمگ ءَ اِنت“ کہ مان اِنت ذَگریں شیر ءِ بُن ءَ
چتور گار نہ بیت ھیسی سَر اِے شیدائیں
کہ ھَلک ءُ ملک ءِ تمام مردم اَنت مِیر ءِ بُن ءَ
اِے دروت کئی اِت اَنت ھمراہ سارتیں نودانی
کہ پدّرھینت اِش مَنا بُرزیں باد گیر ءِ بُن ءَ
رواناں پہ تئی شوھاز ءَ من ھما جاہ ءَ
کہ موت رَھسر ءَ نِشتگ گَڑیلیں پیر(۱) ءِ بُن ءَ
چہ ڈول ءَ ”راست“ اِد ءَ باج بارت بِگُش ساحرؔ
کہ دُروگ، چیر دیان اِنت وتا دَلیر ءِ بُنءَ
----
(۱): پِیر، یک درچک ایت، اُشر ءِ وراک اِنت