برف اِنت اِمروز، روک اِنت دریا
چول مست اَنت گنوک اِنت دریا
روچ گار اِنت ءُ ماہ غُبار اِنت
جہان ءَ کُوکار، آہ ءُ زار اِنت
اَبیتک اَنت روزرد ءُ سرٛومگیں شپ
حون شنزان اَنت اَندر ءِ ٹپ
سباہ ءَ کشّان اَنت گوٛات گرمیں
دل ءَ را سوچان اَنت یات نرمیں
زند برجا اِنت ساہ گار اِنت
ماہکانی اِنت ماہ گار اِنت
جہان قیامت ءِ درٛوشم ءَ اِنت
بہار ڈُکال ءِ موسم ءَ اِنت
زَرد ترّان اَنت سبزکیں تاک
ہمک بانور ءِ سیاہ اَنت پوشاک
زبان گنگ اَنت بُلبلانی
چم کور اَنت شانتلانی
من گندگاہاں جہان ءَ انچش
تا ہما روچ ءَ تو جتائے