کئے گُشیتیں من اے دُنیا ءِ سرا جنجالے آں
من یک نوک سُوریں جنوزامی دِلی چیہالے آں
من گُشاں من شَے مُریداں نوکیں دور ءُ نوبت ءِ
تو بگش من حانی ءِ ہمدروریں یک لالے آں
تو منی راہ ءَ ہمک بیگاہ پہ اُمّیتے بچار
پہ تئی واستہ بِگندئے من اوں نیکیں پالے آں
کئے منی بالاد ءَ پرٛوشیت، کئے اِنت سر گوٛز کنت منا
من اے زوراکانی دیما مُحکمیں دیوالے آں
پہ کپوتی کوکوئی ءَ تلوسیت ءُ موتک کنت
من ہما سبزیں کہیرانی یک اَنچیں ٹالے آں
گوں منا ممتاز زمانگ کنت چیامُفت ءَ گِلگ
من کہ وت یک بے سماءُ بے وت ءُ اَبدالے آں