زند مئے سلامت اِنت، مئے دَمن سلامت اِنت
لال ءِ پَرپُکیں لُنٹاں تنکہ پن سلامت اِنت
سُہبے ءِ نہ بیت ہرجان تنکہ مہپر ءِ سیاہ شپ
تئی اے بزّگیں عاشق تو بہِ مَن، سلامت اِنت
تاں سمین بچکندیت تانکہ کوش تالاں بیت
دوست تئی مہپر ءِ وش بو دل مہ جن سلامت اِنت
اوئے من بہ باتان ءُ اوئے پہ منی تالہہ
دل مس اَنگراں روک اِنت ءُ بدن سلامت اِنت
رَد نہ کنت کسے کِشک ءَ عشق ءِ سرگنوکانی
مہر ءِ یک شہیدی ءِ داں کفن سلامت اِنت