مہکان تئی شار اِنت، کلکش تئی گیوار اِنت
دُنیا ءِ ہمک جلوہ تئی صُورت ءِ وامدار اِنت
مہرنگ وتی رنگ ءِ مہکان ءَ بکن تالان
تئی گندگ ءِ اومان ءَ کہ جند منی گار اِنت
سُہبے کہ سمین ءَ دات تئی آہگ ءِ نیکیں حال
مرچی اوں منی کُڈّک سِینگارتگ ءُ پلگار اِنت
دل کپ بیت، جگر ترٛ کّیت، اِشکند بیت ہمک واہگ
تئی پیمیں پریانی بالاد کہ بیپار اِنت
پہ ہاترے گوشدار ءُ قرآن ءَ بہ پہریز ءِ ے
منی شعر ءِ ہمک لبزے منی زہرگ ءِ پاہار اِنت
تو بیائے مہ کنت سُجدہ بیکانی ہمک ٹال ءَ
مناّں کہ ہما روچ ءَ ممتاز گُنہگار اِنت