اے دنیا لئیبی یے یا لئیب جاھے من ہچ زانگ نہ لوٹاں

اے دنیا لئیبی یے یا لئیب جاھے من ہچ زانگ نہ لوٹاں

گُشنت کہ جند ءِ زانگ ہم گناھے من ہچ زانگ نہ لوٹاں

چراگ اِنت بالو اِنت سؤت اِنت شراب اِنت

تئی شوہاز ءَ من سربوتال چے جاھے من ہچ زانگ نہ لوٹاں

شپ ءَ سا ہگ تہاریں ژند ءُ پندیں کجا سا سارگ ءَ رؤت

وتی جند ءَ گوں جیڑگ ہم گناھے من ہچ زانگ نہ لوٹاں

اے دنیا چون بیت باندا منا چے منا کئے مان کاریت

منارا گنج نہ مال ءُ متاھے من ہچ زانگ نہ لوٹاں

بگندئے پہ وتا تہتے بسازیت تگردے چیر گیج ایت

گشنت قاضیؔ مروچاں بادشاھے من ہچ زانگ نہ لوٹاں