شگان ءِ کار نہ ٹاکور ءِ کار اِنت
اے جنگ اِنت مرزبوم ءِ، ہور ءِ کار اِنت
اگاں لوٹے بلوٹ قارون ءِ گنج ءَ
کہ پنچ کلدار ءِ پنڈگ کور ءِ کار اِنت
تو آدم زادہ ئے مردم گری کن
دو روچ ءِ بادشاہی مور ءِ کار اِنت
تپاکی بندر ءَ یک بندگی ئے
اے ساد ءَ شر بہ تْر ما زور ءِ کار اِنت
اگاں تو زانتکاریں مالُمے یے
کِرا کُنڈی مکن، ماہور ءِ کار اِنت
اے پیریں سرگْوپ ءَ لوگ ءَ چے گَلّین
تئی ہنی رجگ بانور ءِ کار اِنت
پہ نام ءَ شاعری وش اِنت من زاناں
بلے قاضیؔ اے درد ءُ دور ءِ کار اِنت