اگاں زمین ءِ سر ءَ رنگ بے شمار کپیت

اگاں زمین ءِ سر ءَ رنگ بے شمار کپیت

بگندئے کورءَ گوں آدینک ءَ روچے کارکپیت

اے کار جاہ ءَ گڈیلانی بند بند ھُشیت

کڈُک ءِ چے اگاں باندا چہ لڈ ءُ بار کپیت

کسے بہ بارت منارا ھما گلستان ءَ

پہ نادُراہاں ھمک موسم ءَ انار کپیت

ترا چے درد کجام راج آزمان ءَ سر اِنت

وتی زمین ءِ انان ءَ بہ بو بہ دار کپیت

گوں چوکی ءَ من مہ باتاں پہ چار کلدار ءَ

من لوٹاں ھشت بلے ھشت رند ءِ چار کپیت

کجامن اتکگاں ھرنیمگا منی گوشاں

من گوش داراں منی جند ءِ گالوار کپیت

تومپت ءَ قاضی وتا تیاب ءِ لمب ءَ وئیل کتگ

حدر تئی وڑیں نادانے ءَ کُجا دچار کپیت