آہری زڑتو گوں وثی دستاں
من بروتاں را وٹّغے داثہ
زواذ بوئیں تیلے مُشتغو گِنداں
شاہیں بروتانی جکّغ ءِ بھیرا
چلّویں ریشاں را جثو دستے
سر وث ءَ من دِہ کندغے داثہ
جی منی ورنائی ترا جی با
جی مُذامی پہ ورنائی ءَ
یه برے اغدِہ من وثا دیثہ
آہری لافا من وثی دیم ءَ
ژہ بُنا سیاہیں زُلفانی ءَ
بگّائیں بُجّے پدھر بیثہ
"ورنائی ءِ شئیت پذی روشاں"
دل منی ارمانی شُثو بیثہ
کُلاں شہ مستریں ارمان ایشیں
من وثی زیند ءَ ہئے اڑے دیثہ
روش ہمیشنتو او منی یاراں
زیند ءِ وشّیں ساعتاں مانڑے
پیرہ٘ ءَ آزوزیں ہماں مڑدم
(که) ورنائی ءَ جوفو٘ ءِ رندا