امیر ءَ دولت دنیائے باز نزّآرگ ءَ دمبرت
غریب خوارئے بازیں غم ءِ افارگ ءَ دمبرت
امیر اچ وردناں بازیں چوگ ءَ میشے وڑءَ زنڈنت
غریبءَ لنکوئے حشکیں پہ شام سوارگ ءَ دمبرت
جہازءُ موٹلان سوار اِنت امیر مان حلقوان تریت
غریب ءَ تکلو بازیں حر ءِ ٹکّار گ ءَ دمبرت
امیرمان ماڑی ءُ برزیں قلاتانی سر ءَ کندیت
غریب بنگی ءِبُنڈ ءَ غم ءُ گین سارگ ءَ دمبرت
امیر ماں بوپ بالشتان کیس ءُ کمبلاں واب اِنت
غریب اچ سردی ءَ لرزینگ ءُ جمبار گ ءَ دمبرت
امیر گوں محفل ءُناچاں ہزاراں خرچ کنت مپت ءَ
غریب پہ پنڈگ ءَ بازین گسانی چارگ ءَ دمبرت
امیر ءِ بانک ءُ بی بی چہ سہر ءُ زیور ءَ باراَنت
غریب مفلس ءُ خوار اِنت جن ءَ چم دارگ ءَ دمبرت
امیر گوں شِل سریں تیران جننت خوار ءُ غریباناں
غریب ءَ روچ شپ ٹپے دلانی وارگ ءَ دمبرت
امیر ءَ باز غریبانی حق جت ءَ نشتگ
غریب ءَ باز امیرانی بد ءُ ڈوبارگ ءَ دمبرت
امیر ءِ باروا آدمؔ تو گشتگ راست حقانیؔ
غریب ءِسینگ ءَ بازی دلءِدرٛہکار گ ءَ دمبرت