انچیں ھاموشیں ودارے کہ ابیتکی تُرسیت
باریں کَد پہ من تئی آھگے اھوال بَلیت
بیا منی سِتریں تماھانی مُلوریں منزل
یک نگاھے ترا چاراں کہ منی میم ھُوشیت
ایوکی ابرمی جنجالے اگاں دیست کنئے
من نزانتہ کہ سریچکاں اوں ابیتکی تُوریت
کسہ ءِ آسر ءَ پہ مُز پدا جنگ مہ دات
انچیں کارستے مناں گُڈ سری تاکاں ءَ لوٹیت
گیش ئیں اوپار کُتہ من وَ نزانتہ کہ ودار
ھورکیں جاھاں کہ اگاں ایر بیان بیت رُدیت