ارسے انارکانی سرا دردے چہ لُنٹاں سرّیچی
چونین گمے باریں تئ مھرۓ ذُبان ءَ اِیرّیچی
دیستگ شپءِ بیمناکی ءَ رُژنے تھاریءَ کُشیت
کندیل چماں زاھر اِنت نوکیں سباھے درّیچی
ھلکے تواراں سرجمءَ یک مُشتیءِ جارا جن اِت
گاریں نگاھانی چراگ کوھءُ تلاراں ماں ریچی
بستگ نگاھاں چادرے ھرچی بلۓ نوں زاھر انت
وھمءُ ابیتکیں بانڈماں زندءِ توارے سر ریچی
کوراسیں شپ بانگواھی ءِ رُژنءَ بلینیت یک برے
بس گوں وتءَ مھکم بوبو تاک ریچ تاکاں مانریچی
چونیں ترا باریں بُگش بیھال کُتگ جاسم وتءَ
زندءِ نپس گیریں گمان ارواھ کُجا مے پرّیچی