رواناں دور چِداں بل ئے ماں کانچ ماڈی ءِ تھا
زمین ءِ سُتکگیں من ءَ ھما کھیر یات کیت
نزانت زندگی منی اے موسماں بدل نہ کنت
نہ بیت ھوار گوں مُردماں ھما زھیر یات کیت
منی کہ جِند ءِ ھاک ءِ مِھر منارا کس وتی نہ کنت
ھما منی ھیال ءُ گم ھما لکیر یات کیت
مچار پُچاں دِرتگیں مچار چادر ءَ منی
موالی ایں ما مردُمیں مُدام پکیر یات کیت
بھشت گونگیں زمین درآمدانی کِسہ انت
چِراگ مُرتگیں کرار کُمار ءُ تیر یات کیت
کُجام اوست ءَ زندگی وتارا جاسم ءِ بِکنت
شپ ءَ کہ بیت ماھِکان گرند ءُ بیر یات کیت