آس آپءَ رسینتگ نہ حاکءِ سرا
دل نبشتہ کتگ چم تاکءِ سرا
رسمءُ دودانی زلفاں گوں پیڑاتگ یے
مہر ہلوت نہ بیت گپءُ جاکءِ سرا
روچءِ دردیں انارکانی زیبائیءَ
شئر پر بستگ آ جلوہ ناکءِ سرا
کم نگاہی جہانءِ پریشان کنت
کاروبارے کنیں بیا تپاکءِ سرا
عشق باپار کت مہرءِ سوداگراں
زہر وارتگ دلءَ ہر گراکءِ سرا
گوں غریبیءِ شانءَ دراں ڈیھ اتیں
ما گزارہ کتگ ماشءُ ماکءِ سرا
ہر وڑاں پہ وڑے زندگانی گوزیت
مارا ستک اِنت عیدؔ ذاتء پاکءِ سرا