گوں واہگ ءِ سکین ءُ دلءِ ہُلّ ءَ یکبرئے
دربیا چہ گورگیں تو وتی کُلّ ءَ یکبرئے
من یک دمانے بلّے وتی چمّاں سارت کناں
دزگُہاراں سرکن اِت منءَ گرانمُلّ ءَ یکبرئے
دِیر ءَ دل ءِ مئے دُنیا وہدے بیت روژناہ
بچکند اِت واہگانی گُشئے پُلّ ءَ یکبرئے
مَارا دگہ پہ کار ءَ مہ ٹوہین اِت ہچ وڑا
مَا نِشتیں روکیں عشق ءِ وتی چُلّ ءَ یکبرئے
داں زِندگ اِنت، کپیت آ، گُڑا لال ءِ سجدہءَ
مہر ءِ مسیت ءَ بئیت اِنت اگاں مُلّا یکبرئے
واتر نہ بنت پدا کدی مئے داتگیں اے داد
دل دات مَا ترا وتی ماشاءاللہ یکبرئے
دُراہیں مئے کار عیؔد بزاں امروز ءِ شَرّ بنت
دِشتار سمجھ اِیت کہ دل ءِ جُلّ ءَ یکبرئے