کے ءَ سازکت پدادرد ءُ دورانی رباب باریں
اگازیاں کے ءَ داتگ منی رنجانی باب باریں
شپاں تا ہیر کیت نئیکہ من ءَ آرام روچاں ہست
نزاناں چوکے ءَ برتگ منی چمانی واب باریں
جہان ءَ داد وتی داتگ من ءَ رنجانی سوغاتے
کدی کاینت منی نام ءَ مہر ءِ گلاب باریں
گلیں گوناپ ء دروشم تئی کدی باریں نصیب ءَ بنت
کدی پہ من زرئے مہرنگ کدی کائے زراب باریں
آماہ دوشی پدا واب ءَ دل ءَ دستانی مئے بیتگ
اے واب ءِ چے گشیت معنا تئی عشق ءِ کتاب باریں
دل ءِ دُنیا مرادانی عیؔد ءِ نوک ءِ رہچار انت
چیا دوشی نہ لیٹینت تو وتی دیم ءِ نقاب باریں