اے زندمانیءَ ھرچیزءَ رسم ءُ رائے ہست
حدا بگندئے پہ گیگ انت کہ ناحدائے ہست
منءَ تئی آس جتیں دیدگانی سوگند اِنت
نہ گورتیں ارس شلنت دیما آپجائے ہست
بلوچ انچو پہ دیم کودکی مسال نہ دنت
شپ انت کہ گردو جنوزام گوں پنائے ہست
ترا کہ ذکر کناں پاد کایاں جان ءِ پٹ
تئی کہ نام دل ءَ کئیت آسرائے ہست
پہ یک ادارکے شیطان ءِ ترانگ ءَ کپتاں
نزانتہ من کہ گنھگاریں پارسائے ہست
تئی کجام شپ انت بےشراب گوستہ بگش
دلءَ مہ ور وتی قاضیؔ خمارجائے ہست