اے زندمانی ءَ ھر چیزءَ رسم ءُ رائے ہست
حدا بگندئے پہ گیگ انت کہ ناحدائے ہست
منءَ وتئی آ جتیں دیدگانی سوگند اِنت
نہ گُورتیں ارس شلنت دیما آپجارئے ہست
بلوچ انچو پہ دیم کودکی مسال نہ دنت
شپ انت کہ گرد و جنوزام گوں پنائے ہست
ترا کہ ذکر کناں پادکایاں جان ءِ پٹ
تئی کہ نام دل ءَ کئیت آسرائے ہست
پہ یک ادارکے شیطان ءِ ترانگ ءَ کپتاں
نزانتہ من کہ گنھگاریں پارسائے ہست
تئی کجام شپ انت بے شراب گُوستہ بگش
دل ءَ مہ ور وتی قاضی خمارجائے ہست