ایرریچ بیار شراباں دلءِ تاس تاس تُنّیگ
پہ مہرءِ کیئفاں نازاں منی پاس پاس تُنّیگ
تئی مہپرانی کوشءَ دلءِ چاڑ بنت زندگ
من زلفءِ قیدءَ بنداں پہ باس باس تُنّیگ
منءَ دشمناں بہ بخش ات اے زندگیءِ روچاں
منی جانءِ ذگریں حوناں منی براس براس تُنّیگ
تو وفاءِ راہ ءُ رنداں منءَ پیش گیج چہ درستاں
اگاں سوچگءَ جہانءِ تئی آس آس تُنّیگ
چنیں ہلکے اتکگاں عیدؔ ادا دوستے ہم نہ گنداں
گلیں دیدءَ بچیانی ادا مَاس مَاس تُنّیگ