مناں گیریں پرندوشی
منی وھاو ءُ
خیالاں را
تئہ گوں مہر ءِ نغاہ ءَ یک
لقایے اث
که شون داثہ
منی اللہ!
من زانتہ اے
قیامت پیلویں رنگ ءَ
شُثو گُستہ
گھڑی یے من خیالانی
تل ءَ نشتو
ھمے زانتہ
ھماں من زیند گوازینتہ
حشر روش اث
منی خیال ءَ
دروشم مڑدمانی ءَ
عذاوے گوارغ اث
شہر ءَ
گُشے که دوژِح ءِ لاف ءَ
شُشغ ءَ
بیثغ انت مڑدم
منی ڈولیں گریباں په
جہان تنگیں
قیامت آسرو یے یک
که اوذ ءَ کل ءِ
کارانی
جزائے یا سزائے
بی
که زوراخ ءِ
ظلم کُٹی
حذائی عدل ءُ انصاف ءَ
بدل بی ڈک ءُ ویلانی
وھاو ءُ من
خیالانی تل ءَ دیثہ
بہشت ءِ، پل ایں باغے ایں
دل ءَ گُشتہ
ھمیشیں ھند ءُ جاگہ
مئیں
نہ گُستہ ساعتے یک ءَ
کوے بیثہ مئیں
پہناذ ءَ
شُذی ایں لنگڑیں چُکے
سوالی ایں
په نغنے ءَ
بہشت ءِ کل نظارہ گل
شثغاں گوں
شُذ ءُ تناں