بام آجوئی

بلوچ ءِ بے سَمائی ءِ اِیرھت باریں کَدکُٹ اِیت

کدی باھند ءِ جوھاری رگامے بَیت مئے راج ءَ

بلوچ ءِ ڈیھ آدروہ کت پَلشتیں راج سراں پھک ءَ

یلے باریں کدی دربیت اے آ دروہءَ بکنت میزر

شکر ورنائیں بیلاں ندر کت انت سَرجوان ءُ سالونکیں

ھمے اوست ءَ کہ باندات ءَ بہ بیت آجو بلوچستان

تھاریں زُلم ءِ شپ وھدے نہ وھدے بیت زلور آسر

بہ بنت تاوان زگریں ھون کسان سالیں شھیدانی

زِرءَ دَھرءِ بلوچ ءِ شاگ مَرچی شرتگاں گِپتگ

ھمے آھِر بچار وھدے مئے بانداتءِ بنیت واھِر

مجید من الماں پما گُلیں باندات پیداک انت

گلامی ءِ شپءَ چہ رَند بام آجوئی ءِ زاھِر بیت