باتنءَ زہر بنوش ظاہرءَ بچکندے بکن
مئے وا گشتانک ہمیش جندءَ وتی جندے بکن
وھدءِ بالاچ نصیبءَ مَکن توجیل وتی
ساہگءَ سولءِ بہ نند واہگاں سوگندے بکن
دوریءِ رنج ءُ غماں ارسءِ تاراں گوں کماء
نگرہاں عشقءِ بزیر دردءِ بائو بندے بکن
مہرءِ آسمانءِ ہمک راہ پتو رود انت اگاں
گوں نگاہانی سفر منزلاں پندے بکن
مَا کہ ہمراہیں تئی ساہگءِ پئیمءَ ہر جاہ
چارگءَ بیا تو مئے سالانی سرا رندے بکن
شہرءَ کورانی عیدؔ زانت ترا ، کئے فہمیت
زانگءِ گپاں وتی تو دگہ آپ بندے بکن